Jay Montelibano,itinanggi ang di-umanoy pagbabalik ABS-CBN ni Willie

Councilor Shalani Soledad kasama

si Wowowillie Business Unit Head Jay Montelibano

     Itinanggi nga ng business unit head ng noontime show ng Kapatid Network na Wowowillie na si Jay Montelibano na walang katotohanan ang kumakalat na isyu nang pagbabalik ABS-CBN ni Willie Revillame. Sinabi ni Jay sa News5 nitong Myerkules na walang anumang alok na natatanggap si Willie mula sa Kapamilya Network na pinababalik ang controversial noontime show host na malapit nang matapos ang kontrata sa TV5 ngayong Setyembre.

     “Actually there really is no offer from ABS-CBN. Hence, no ‘return’, so to speak. I also don’t know where the rumor is coming from,” sabi ni Montelibano.

     Nagsalita si Montelibano bilang tugon sa report ng statement ni ABS-CBN President at CEO Charo Santos-Concio sa abs-cbnnews.com nitong Martes.

     “That’s not true. We’re not in talks with Willie Revillame. We’re very happy with the ratings of ['It's] Showtime’. We’re very happy with ‘Showtime’,” sabi ni Santos-Concio sa isang press conference.

     Ayon sa entertainment blogsite na pep.ph, nagsimula ang isyu matapos kumalat ang larawan nina Willie at Gina Lopez, kapatid ni ABS-CBN chairman Gabby Lopez, na magkasama sa bakasyon.

Si Willie Revillame at Gina Lopez na magkasama sa isang bakasyon.

source: interaksyon